1 sy zo leste yre erbere vrunde zo eynem zijden schickden an den Rait vp dat hyss Ind
  daden sy gutlich ermanen vnd bidden yrre zo gedenken in den zogesachten sachen Ind
  sonderlingen dat sy yn an de wijnbroderschaf helpen vnd vort alle andere der Stede
  vrijheit vnd genade weulden laissen wederuairen / as sy yn zo gesacht hedden • Ind
5 dit wart yn eyns vnd anderwerf allet vertreckt mit gutlichen reden Alsuerre
  dat die erbere burgere vnd gemeynde as vil vp dat huyss giengen vnd schickden vnd
  sy ermaynden / Dat zo leste her Costijn vurscreuen sprach vnder anderen worden zo yn also
  Vnse herren en nementz van vch nyet vur goet / dat Ir as vil her louft • Ind ir
  mocht wail heym gain / want sy haint vil anders zo denken vnd zo schaffen Mer
10 wanne sy yet doin off verdragen • willent So ensolen sy vch nyet darvmb vragen •
  Ind der gelijch worde hadde he vil tgain die erbere burgere • Ind van der zijt an dat
  yn her Costin vurscreuen beyde vur vnd na also antwerde •• So wurden sij in yn seluer
  zornich vnd namen des ouch nyet vur gt • Ind vergaderden sich ducke in yren
  geselschaffen • vnd gaffelen / vnd giengen duck by eyn vmb deser vurscreuen sachen wille Ind
15 Ind dachten up alle vurscreuen louffe vnd geschichte •/ wie die stat vnd gude gemeynde
  vmb yrs grosen hass nijtz zwist vnd zweyungen wille in grosen verderflichen schaden
  coste vnd veetschaf komen wern vnd dach by dage queme Ind ouch dat manch burger
  vnd koufman syne haue vnd gt durch yre zweyungen vnd kriechs wille verloeren hedde
  Ind dachten dach vnd nacht dar na dat sy yre narunge vnd der Stede vrijheit erkrigen
20 vnd behalden mochten • vmb sich vss deme grosen verderflichen coste krode vnd schaden
  zoerloesen • we wail sy dat doch lieuer alwege mit gnaden / dan mit vngenaden gehat
  vnd genoymen hedden / dat wissentlichvnd  allen guden luden kundich is •
 
 
25
Lege  Herna do die Scheffene vnd yre partijen vrunde vnd maigen in engen vnd wijden Rade
  den meystendeil dit sagen vnd gewar wurden / dat die Ampte vnd gaffelen vaste bestoinden
  by eyn zo gain vnd zo vergaderen • vnd ouch mechtich wurden Do hadden sij vaste
  grosen has vnd verdncken darp • Ind hadden yren Ratt by eyn / we sy die gaffelen
Kommentarbleyf: l aus e korrigiert.30 vnd geselschaf afdeden Ind dat bleyf allet also stain Sonder eyngerley gnade
  narunge of troist der gemeynden vnd burgeren zo doin Also dat darna vp dat
  leste vp eynen vrijdach zo auent vnd des morgens / die Scheffene vnd yre partijen sich