1 Ind y meynten ouch wanne sy dat wullenampt gedilliget hedden
  dat sy dan vort alle ander ampt dilligen ind drucken moechten / as sy ouch
  gedain haint · herna dachten sy as lange bis der g dem wullenampt
  ind der gantzen gemeynden eyn vnselich mynssche quam der an dem
5 velde mit gewalt dem gerichte genoymen wart / da doch wenich ludtz
  van dem wullenampt by waren / ind sij versaigen sich ouch wale daz der
  man genoymen seulde werden / ind Scheffen ind Rait hadden sich gewapent
  mit yren vrunden / ee der man genoymen wurde Ind doe der man doe
  genoymen was / doe oeuervielen sy die biruen lude van dem wullemampte
10 ee sy wisten daz der man genoymen was · ind ouch raitz ind daitz vnschuldich
  waren alle der sachen der meiste houff des wullenamptz / Nu was yrre
  eyn deill die des geloeufs bezijde gewar wurden / ind geyngen da dat banner was
  ind wurpen daz vff ind waynden dat gantze wullenampt seulde zo houff komen
  ind daz sy des seulden understain / doe bleuen die alde wysen / der meiste houff
15 da heyme ind enwoilden des nyet zoschaffen hain / ind waynden sich da mit
  verantwerden / da entusschen quam der Rait mit synen vrunden an dat Banner
  ind sloigen den eyn deill dar neder ind die anderen vntfluwen yn also dat Sij
  dat gescheffte geschefte wunnen vp der Stat · Ind doe treckden sy weder
  hynder sich zo Airsburghsent Brigiden ind schickden  des anderen dages zo Airsburchdoe heralde vss durch alle gassen
20 ind die vp allen orden vss reiffen So wer birue were den seulde man vur
  birue halden / ind wer an den gewalt nyet geweist enwere noch rait noch dait darzo gegeuen heddedoe / der man an
  dem velde genommen wart / de seulde lyfs ind gutz versichert syn / ind de seulde
  komen ind hulden dem raide So seulden sij yn beschirmen gelich yren wyff ind
  kynden / vff daz geruchte troiste sich all man der des vnschuldich was ind
25 quamen alle zo hulden vssgescheiden die sy vss der Stat vertzalten zo ewigen dagen
  darna veyngen sy die erben lude ind lachten sy in die turne die doch vur goide
  vnschuldich waren / ind naymen der darna eyn deill vss den turnen / ind voyrten
  sy vp den sturtzelbergh ind sloigen yn yre heuft aff / Ind van weym sy da
  gericht hadden da namen sy wyen ind kynden eruehuyss ind gut / ind wijsten sij
30 bloyss vur die dur des vmb nyet syn enseulde