Seite zurueck deaktiviert    
KommentarÜberschrift von Hand des 19. Jahrhunderts hinzugefügt.1 Konzept zum ‘Neuen Buch’
  Is sy zu wissen alsulge geschichte as sich bynnen der Stat van Coelne ergangen haint in
  xxxvi Iairen · darup sagen wir na vnsen besten synnen ind na dem vns indenckich is
  dat zo der zijtScheffen ind Rait / eyndreichtlichen vur die Stat zo besorgen / zo raide saissen / die
5 wurven eynen toll heymelichen an dem Roemschen keiser Karlebuyssen wist der gemeynde
  wilch toll yn verleent wart van dem keiser Ind wat der toll kosd • des en syn wir
  nyet wys Ind den toll sloigen sy vp boyuen Beyen / ind doe die gemeynde des
  gewar wart dat man da toll nam / doe stoinden sy vnder eyn darvmbe zo sprechen
  dat des der gemeynden nyet goit enwere / also verre / dat die alde wyse gesellen
10 van dem yserenmarte / traiden / zo den biruen luden van dem wullenampte
  vp yre beide huys / ind beboiden ouch etzlige groisse Ampte zo yn Ind spraichen
  vnder eynander as vmb den toll af zodoin Ind wurden zo raide dat sy sich
  verbunden ind verloifden vnder eynanderen / ind schickden yre vrunt van den partyn
  vurscreuen an den Rait dat sij die vnder wysen soulden / mit wijsheit / dat sy den toll
15 afdeden / Ind of sy des nyet doin enweulden So soilden sy id ernstlichen sagen
  die gemeynde weulde tollden af hauen Ind dese vurscreuen partijen die darzo gekoiren
  waren / geyngen an den Rait de zo der zijt was / ind bayden sy gutligen ind mit wysheit
  dat sy den toll afdeden / ind dat werde etzligen menchen dach ee yn ye antwerde kunde
  werden / ind doe den vurscreuen partijen die antwerde zo lanck wart / doe geyngen sy eyuer
20 an den Rait / ind sachten yn / de gemeynde weulde den toll afhauen / ind dat sy
  den nederlachten / ee da meerre krudt van queme Ind doe der rait dat verstoynt
  dat sich die gemeynde vnder eynanderen verbunden hadde / ind ouch den groissen
  ernst da ynne verstoynden doe lachten sy den toll gutligen neder • Ind schickden
  yre vrunt zerstunt zo dem keiser ind clageden yem yre gemeynde hedde den toll
25 mit gewalt af gedain / doe der keiser dat hoirte / doe wart hee oeuer sy zornich
  darumb dat daz sy den toll geworven hadden buyssen wist der gemeynden
  ind solden sy syne hulde weder krigen • doe moisten sy darumbdem keisser XIJM gulden
  gheuen / ind da van is der meiste has komen tusschen dem Raide ind der gemeynden
  Ind haint darna nacht ind dach gedacht So we sy dat wullenampt verdilligeden
30 want id en heuft alle der gemeynden was / ind dat wullenampt ouch alle weige sass
vur  die gemeynde in bescheideneit zo verantwerden